«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Өңірлік кеңес кандидаттарына 46 000-нан астам қазақстандық кәсіпкерлер дауыс берді

2020 жылғы 06 Тамыз
3088 просмотров

Бұл туралы "Атамекен" ҰКП басқарма төрағасының бірінші орынбасары Эльдар Жұмағазиев өз фейсбук парақшасында хабарлады.

Кәсіпкерлер палаталарының өңірлік кеңестеріне орындар үшін бизнес-қоғамдастықтың 1048 өкілі дауысқа түсуде. Статистикаға сүйенсек, бір орынға орташа 2-3 адам үміткерлік танытуда. Республика бойынша өңірлік кеңестерге барлығы 456 адам іріктеледі.

Дауыс беру 5 тамызда басталды. Сайлаудың бірінші күні 25 000-нан астам адам өз дауыстарын берді, бүгінде бұл көрсеткіш 46 000-ға дейін өсті.

Екінші күні Шымкент (7312 дауыс берген), Қарағанды (5169) бизнес-қоғамдастықтарының өкілдері белсенді түрде өз кандидаттарын таңдап , дауыс беру белсенділігі бойынша үздік үштікке Ақтөбе облысы (4389 өз кандидатына дауыс берген) қосылды.

Үміткерлер үшін онлайн режимде vote.atameken.kz сайтында дауыс беруге болады. Әрбір кәсіпкер, қауымдастық немесе өзін-өзі реттейтін ұйым өз аймағында сайлауға қатысып жатқан 1 үміткерге ғана дауыс бере алады.

Мұны СМС немесе ЭЦҚ арқылы жасауға болады. СМС тәсілі үшін ұйымның БСН/ЖСН енгізіп, дауыс берушінің телефон нөмірін көрсету арқылы, содан кейін телефонға келген СМС-кодты енгізу қажет.

ЭЦҚ дауыс беру тәсілі үшін ұйымның кілтін таңдау жеткілікті.
Дауыс беру смартфон арқылы да қол жетімді және екі минуттан артық уақытыңызды алмайды.


Еншілес ұйымдар

Серіктестер