«Атамекенде» тамақ өнеркәсібінің мәселелері талқыланды
17 сәуірде «Атамекен» ҰКП Төралқасы Тамақ өнеркәсібі Комитетінің кезекті отырысы өтті. Онда азық-түлік кәсіпорындарын электр энергиясымен қамтамасыз ету, импорттың өсуі және отандық кәсіпорындарды қолдау мәселелері талқыланды
Биылғы жылдың 28 наурызында май саласының бірқатар субъектілері, осы жылдың 1 сәуірінен бастап энергиямен жабдықтаушы ұйымдардың лицензияның қайтарып алынуына және басқа компаниямен шартты жаңарту қажеттілігіне байланысты электр энергиясынан ажырату туралы хабарлама алды.
Лицензияның қайтарып алынуына байланысты 311 кәсіпкерлік субъектісі электр қуатынсыз қалып, өндіріс тоқтап қалу қаупінде болған. Сонымен қатар, энергиямен жабдықтаушы ұйымның ауысуымен электр энергиясының құны 20%-ға қымбаттауы мүмкін.
Алкогольсіз сусындар мен шырын өндірушілер Қауымдастығының басшысы Әлия Мамытбекованың айтуынша, бір жылда жеткізуші «Кадаско-А» ЖШС-де электр энергиясының құны 34%-ға өскен (25-тен 33,5 теңгеге дейін), «Энергопоток» ЖШС-де 43%-ға (33,1-тен 47,3 теңгеге дейін). Оның пікірінше, тариф өсуде және өсе береді.
Өз кезегінде, Табиғи монополияларды реттеу комитетінің өкілі Аман Боранбай лицензияны қайтарып алу Үкіметтің тапсырмасына байланысты екенін атап өтті.
«Энергиямен жабдықтаушы ұйымдардың лицензиясынан айыру және тарифтерді көтеру мәжбүрлі шара болып табылады және ол халық үшін электр энергиясы тарифтерінің көтерілу қаупімен байланысты» деп атап өтті А. Боранбай.
Тұрғындар үшін электр энергиясының тарифтерін шектеу оң нәтиже бермейді. Қолданылған тәсілдер отандық өндірушілердің өнімдері бағасының өсуіне әкелді, деп мәлімдеді азық-түлік өнеркәсібі Комитеті мүшелері.
Тамақ өнеркәсібінің күн тәртібіндегі тағы бір басым мәселе импорттың өсімін сақтау болды.
Бизнес импорттық шектеулерді жеке мақсат ретінде қарастырмайды. Бизнес қауымдастық тек жоғары сапалы реттеуді талап етеді.
«Бізді фальсификат алаңдатады. Бөлшек сауда сөрелерінен атаулары тұтынушыларды адастыратын өнімдерді табуға болады. Мысалы, үлкен әріппен жазылған сүті бар өнім және бір жерде шағын шрифтпен бұл сүті бар өнім немесе қайнатылған шұжық, оның ішінде ет болуы керек деп, таңбалауда шағын шрифтпен құрамында құс еті, шеміршек және т.б.көрсетілген. Мұндай мысалдар көп» деп айтты Ет өңдеуші кәсіпорындар қауымдастығы атқарушы директорының орынбасары Юлия Нам.
Ресми статистикаға сәйкес, 2023 жылы өңделген ауыл шаруашылығы өнімдерінің импорты 4 миллиард АҚШ долларын құраса, экспорт небәрі 2,3 миллиард долларды құрады.
«2023 жылы отандық өндірушілер ірімшік пен сүзбе өндірісін 10,5%-ға, шоколадты 7,6%-ға, кондитерлік ұн өнімдерін 6,3%-ға арттырды. Өндірістің өсуіне қарамастан, қазақстандық сөрелерде бәсекеге түсу қиындай түсуде» деді Сүт одағының басшысы Владимир Кожевников.
Сондай-ақ В.Кожевников мемлекеттік саясат шараларының жүйесіздігін және сабақтастық тәсілдерінің жоқтығын атап өтті.
«Естеріңізде болса, өткен жылы сүт өңдеуші кәсіпорындар Ауыл шаруашылығы министрлігіне «даусы жетпей», сүт өңдеу өнеркәсібін субсидиялау тәсілдерін өзгертудің орынсыздығын дәлелдеген болатын. Біз өңдеушілердің субсидиясыз қалатынын айттық, дәл солай болды» деді ол.
Тамақ өнеркәсібі Комитетінің мүшелері Ауыл шаруашылығы, сауда және денсаулық сақтау министрлігі өкілдерінің назарын Қазақстандағы тамақ өнеркәсібін дамытудың стратегиялық басымдығына және оның елдің азық-түлік қауіпсіздігін қамтамасыз етудегі рөліне аударды.
Жиынға қатысушылар мемлекеттің мақсаты бәсекелестікті қорғау, қолдау және адал бәсекелестік үшін қолайлы жағдай жасау болуы тиіс деп өз ойларын түйіндеді.
Пікір қалдыру:
Пікірлер: