Мұрат Әмрин ОТӨ туралы: Жергілікті қамтуды дамыту тек экономикалық пайда мәселесі емес
26 маусымда Астанада «Тауарлардағы жергілікті қамту: ел мен саланың стратегиялық дамуы» атты өзекті тақырыпта семинар өтті.
KazService Қазақстанның мұнай сервистік компаниялар одағы ұйымдастырған семинар жұмысына «Атамекен» ҰКП басшылығы, ҚР Энергетика вице-министрі, Қарашығанақ Петролеум Оперейтинг, IMBC және KazEnergy басшылары қатысты.
Іс-шарада жергілікті қамтуды, отандық тауарларды сатып алу шарттарын дамытудағы өзекті мәселелер талқыланып, сараптамалық пікір мен тәжірибе алмасты.
Кездесуге қатысушыларға арнаған үндеуінде Ұлттық кәсіпкерлер палатасы төрағасының орынбасары Мұрат Әмрин жергілікті қамтуды дамытуға баса назар аударды. Оның айтуынша, жергілікті ресурстар мен құзыреттерді дамыта отырып, жұмыс орындары құрылып қана қоймай, инновациялар мен технологиялық даму да ынталандырылады.
«Жергілікті қамтуды дамыту – бұл экономикалық пайда мәселесі ғана емес, ел мен саланы дамытудың стратегиялық бағыты. (...) Біз «Қарашығанақ Петролеум Оперейтинг» компаниясы сатып алудағы жергілікті қамту үлесін таяудағы 10 жылда ұлғайту бойынша өзіміз үшін алған курсты қолдаймыз, өйткені қазақстандық өнімді сатып алудың ағымдағы көлемі импортталғанмен салыстырғанда өте аз үлеске ие», - деді Әмрин.
«Атамекен» ҰКП КПО тауарларында, жұмыстарында және қызметтерінде отандық өнімді жыл сайын 2-4%-ға ұлғайту қажет деп санайды және Жергілікті қамту комитеті жанынан тығыз ынтымақтастыққа дайын екенін білдіреді. Бұл 2032 жылға қарай елішілік құндылық көрсеткішіне 30%-дан астам қол жеткізуге мүмкіндік береді.
.JPG)
Сондай-ақ, спикер Мемлекет басшысының отандық бизнес өкілдерімен кездесуде мемлекеттік тапсырыстар алатын және мемлекеттік қолдауды пайдаланатын барлық ірі кәсіпорындар негізінен қазақстандық тауарлар мен қызметтерді сатып алуы тиіс деген сөздерін атап өтті. Тиісті отандық өндірістер болмаған жағдайда, олар оларды ел аумағында құруға жәрдемдесуге тиіс.
.JPG)
Отандық тауар өндірушілерді олардың өндірістік қуаттарын Қарашығанақ жобасының тапсырыстарымен жүктеу арқылы қолдау таяу болашақта басты тақырып болады, деп атап өтті өз кезегінде КПО Бас директоры Марко Марсили.
«Біздің келісімдеріміз өз ұсыныстарын кеңейтіп, айналымды ұлғайта алатын қазақстандық бизнес-серіктестеріміз үшін де, ұзақ мерзімді перспективада шығындар тұрғысынан КПО үшін де тиімді болады деп санаймыз. Бұл сондай-ақ біздің кәсіпорынның елдің экономикалық дамуындағы ерекше рөлін көрсетеді», - деп атап өтті КПО басшысы.
Бұл ретте Энергетика министрлігі Қазақстанда жер қойнауын пайдаланушылардың тауарларын, жұмыстары мен қызметтерін сатып алуда жергілікті қамтуды дамыту бойынша жұмыстар жүйелі негізде жүргізіліп жатқанын атап өтті. Бүгінгі таңда тауар позицияларының пулы талданды, олардың 19 түрін операторлар таяу болашақта неғұрлым сұранысқа ие деп айқындады.
Айта кетейік, семинарға Атырау, Орал, Ақтау, Ақтөбе, Астана және Алматы қалаларынан мұнай-газ саласының мамандары келді, әрбір қатысушы үшін семинар тәжірибе алмасу және өз компаниясы мен өнімін жариялау тәсілінің жаңа алаңына айналды. Қатысушылар B2B кездесулері аясында бірыңғай алаңда келіссөздер жүргізуге мүмкіндік алды.
Пікір қалдыру:
Пікірлер: